उत्तर महाराष्ट्र जळगांव राजकीय

माजी मंत्री खडसेंऐवजी अ‍ॅड.रोहिणी खडसेंना उमेदवारी ?

मुक्ताईनग  –   रसलग सहा टर्मपासून आमदार राहिलेल्या माजी मंत्री एकनाथराव खडसे यांना भाजपाने जाहीर केलेल्या 125 उमेदवारांच्या यादीत स्थान न दिल्याने खडसे समर्थक अस्वस्थ असतानाच भाजपाच्या दुसर्‍या यादीतही खडसेंना तिकीट मिळणार नसल्याच्या चर्चा सुरू आहे. खडसेंऐवजी त्यांच्या कन्या व जिल्हा बँक अध्यक्षा अ‍ॅड.रोहिणी खडसे-खेवलकर यांना तिकीट मिळणार असल्याची चर्चा असली तरी त्याबाबत मात्र अधिकृतरीत्या दुजोरा मिळू शकलेला नाही.

खडसेंच्या भूमिकेकडे लागले लक्ष :-
भाजपाच्या पहिल्या यादीत नाव न आल्याने खडसेंसह समर्थक प्रचंड अस्वस्थ आहेत तर दुसरीकडे भाजपाच्या दुसर्‍या यादीतही खडसेंचे नाव न आल्यास खडसे काही निर्णय घेतात का? हे देखील पाहणे औत्सुक्याचे ठरणार आहे. भाजपा सरकारच्या भूमिकेने खडसे समर्थक प्रचंड संतप्त झाले आहेत.

लेवा समाजाने दिला सूचक इशारा:-
खडसेंना तिकीट न मिळाल्यास राज्यभरात विखुरलेला लेवा समाज काहीतरी मोठा निर्णय घेईल, असे सूचक विधान भोरगाव लेवा पंचायतीचे कुटुंबनायक रमेश विठू पाटील यांनी भुसावळच्या पत्रकार परीषदेत केले असून आता भाजपा सरकार काय निर्णय घेते ? याकडे लक्ष लागले आहे.

0